自從 04 年去過泰國之後，小子好難得再有機會係漫長的工作中再出外小休一下。係台北的 4 日入面，小子的身心都處於完全休息狀態，只有肚皮需要忙於應付四周的美食，呵呵。
小子本來打算係香港搞簽證，不過由於時間緊迫，唯有到達台北才搞落地簽證。於是小子就先係香港兌了些台幣，以便一到台北就可以馬上搞簽證，之後才慢慢係機場兌錢及過關。未知是否早機關係，旅客不多，5 分鐘就搞完落地簽證，比想像中要快好多。
到達台北後，馬上就係車站買了張悠遊卡。悠遊卡類似香港既八達通，可以係捷運及巴士上使用，而且又有折扣優惠，只係不可以係商鋪使用。
雖然係士林逛既時間比係西門町少，不過士林內既小食及玩樂都比較集中，人流亦都更多，使我留下深刻既印象。下年再去時，一定會花更多時間係士林逛逛。另外要留意，去士林夜市需要係捷運劍潭站下車。
在第三日的行程中，小子先坐了基隆客運入金瓜山，再坐火車回台北，相信去程回程的交通工具對掉會較好。建議先早一天訂好去程的火車票，保證可以由台北車站一直 "坐" 到瑞芳站 (小子就是沒訂票，在火車上企了一個鐘)，回程時搭基隆客戶則不用限時限刻趕著走。
今次亦都發現北投有間溫泉酒店裝修得好靚，完全將露天溫泉比下去。下年再去時，相信其中一日會入住溫泉酒店。另外酒店方面，今次小子入住的是天成酒店，在台北捷運車站及火車站旁，十分方便，但下次會試試入住位於西門町的萬事達，入住於夜市中的酒店，相信肚皮會更鐘意。
除了有位台灣女藝人遇上車禍香消玉殞，其實係這4 日入面，還分別發生了兩單旅遊巴車禍，總供有 40 多人受傷。之前聽到好多台北車禍的新聞，多數都係旅遊巴車速太快所導致。自己曾坐飛狗、國光及基隆客運，也沒有超速的情況，可能是公共交通工具比較安全吧。
就小子於旅程中發現，台灣係一個好客熱心的民族，只要有困難，台灣人都會好主動幫小子，即使言語上溝通不到，他們都會身體力行去幫忙。
台北，下年見。
台北之旅 Day 1
台北之旅 Day 2
台北之旅 Day 3
台北之旅 Day 4
No comments:
Post a Comment