贏粒糖 輸間廠 (3)

　　講兩講這個「贏粒糖，輸間廠」的題目，觸發很多網友回應，講出自己買股的失敗經驗，其實這些失敗經驗極其寶貴，唔失敗過唔會成功，唔輸過錢唔識贏錢，陸羽仁開blog講嘢，你地多數睇完就算，唔會上心，亦好難上心，要自己輸過，瀨過嘢，才會上心，交學費唔緊要，最緊係輸咗錢交咗學費，最後學到嘢。

　　網友toto買股輸錢後，有此感慨話：「原來陸sir D 心法好蝦人用, 知道 同 實踐 原來係兩回事嚟架, (可惜自己嘅領悟層面只係 “know” , 唔係 “get到”), 最抵死係嘅係我仲成日暗地裏笑D blog 友嘅留言, 問埋哂D乜鬼嘢止賺、止蝕問題, 陸sir 同 金曹師兄D答案咪又來來去去嗰幾招心法, 我第一日睇網誌就學識啦!偏偏自己又犯同樣嘅錯, 真係低打! (呢個世界真係無free lunch ,始終都要交學費,不過都有得著嘅…)

　　陸羽仁知道你地都有返過學上過堂，當時覺得好悶哩，除了老師教得唔好之外，亦因為返學時太後生，好多嘢都無經驗，自然聽唔入耳。好啦，買股關乎自己荷包，你地都好有興趣學習，但睇完明唔明，明咗用唔用得到，係兩回事。我講啲嘢，聽落好易，做落好難，點解？因為要跟住做，違反人性囉！人性有太多弱點啦，自以為是，錯咗唔認，想發達，怕輸錢，唔敢面對現實，要數落去，十日都未數得哂，大戶就係睇住人性的弱點來食你o既。要在股場炒股贏錢，就係要做違反人性o既事，其中一樣就係止蝕要快要狠。

　　網友sillyc講起他買文化傳信（０３４３）的慘劇，大家應該重溫，佢話「大概在前前年聽人講343文化傳信遲D會同IBM合作到時一定升到1元，已經從0.1幾升到最高0.72，報紙又見成日有佢的報導，當時回返0.4幾， 我想仲有　0.5水位賺喎(以為實賺梗)，即刻用晒當時的成副身家在0.49買咗60000股，過咗幾日真係升咗0.5幾，又過幾日又升到0.6，我想今次好啦，股票戶口顯示多咗幾千蚊，不過又過幾日跌番0.5幾，我覺得一定會升番，咪等吓，不過佢一路陰陰吓又跌到0.4，我都沒cut loss，心想沒理由會跌一定會升，繼續等，跟着仲戒咗日日去睇，點知再去睇時，己經跌到0.28-0.3﹐呢個時候我開始懷疑佢升唔番，但是又唔甘心放咗佢﹐即刻沒咗一半身家，又心想佢唔會再跌到0.1掛，點知佢就真係跌到0.07，在呢個時候我信佢可能真係會跌到0.01，所以在佢回升小小時0.09，嗱嗱聲放走佢，幾慘烈。而家仲嘔血，又見佢升到0.24。」

Sillyc 再講另一單盲毛買股事件。「就在我放晒成副身家係343度，佢又陰陰跌没眼睇的時候，我又蓄咗幾千元，跟住就開始身痕又心痕，睇見417謝瑞麟突然升咗好多，報紙又日日吹咁謝瑞麟轉虧為盈，提早申請撤銷破產令之類好消息，我心想今次應該OK啦，謝瑞麟有好多分店，珠光寶氣有實在的價值喎，至於謝瑞麟點解之前會攪到破產就一於好少理。」　　

「就係佢0.52時候買咗10000股打算長渣，可是一買就跌，我梗係唔放啦，想住係長期"投資"。佢後來10合1，供股(忘了是10合1先定係供股先)，總之手上股數得番1200股，變為碎股，而且股價又陰陰地斷斷續續由5元跌到2元，但是死忠心(以為忠於自已的選擇)，又成日想住佢有店舖喎，死唔認輸，想住幾千蚊"投資"，應該唔怕掛，真係點知佢可以跌到得0.8，去年謝瑞麟仲犯埋規，董事被拉，停牌拒絕再玩。唉﹗唔好意思各位，借個地方來告白吓自己 D白癡嘢。」

陸羽仁如果在大學講「股票投資１０１」，就會搵呢Sillyc的個案，同大家上「導修課」，坐低傾傾，做死因研究，第一個問題就問大家Sillyc究竟衰乜嘢？衰唔緊要，所有人投資都衰過好多次，但要知自己衰乜，下次唔好衰埋同一樣嘢。

　　Sillyc同其他幾個幾年前買文化傳信輸錢的朋友，個案都好類似（或者買雞股輸錢的個案其實都大同小異），我稱之為「入籠格」，一買已經行入個老鼠籠，實聽俾人食。大家都係聽人講、睇報紙，唔知乜頭乜路，睇吓以前升過乜價位，聽人講吓乜目標價就入場，高位接貨，好難逃脫「入籠」的命運。

　　明知係喪炒的雞股（恐怕你們當時未有「雞股」這個概念），就要分析吓佢處於乜階段，如果正係旭日初升，仲有得博吓，若過已經升咗好多倍，高位牛皮兼回吐，入去接就隨時接到成手貨。你地成日講報紙貼士，貼士佬推介的不同股票，你要自己研究，如果佢在文傳０．１元升到０．１５元時推介，你睇隻股票啱啱升，仲有得博（所謂寧買當頭起，只係指這種時候，不是喪炒到３０、４０億市值的時候），但Sillyc買的時候，文傳已經經過０．１元升到０．７２元的階段，回落到０．４幾，然後傳出好消息，有人睇１元，Sillyc當時覺得距離１元仲有０．５元以上的水位，但有無諗過隻嘢已經炒到半殘，升上高位時莊家可能已派了部份貨，回落後一邊再放好消息，一邊慢慢「向下派」，你入場時已經接緊莊家啲貨尾。

　　我講過唔好高追，表面上看這個講法等如叫大家低吸，優質股回落得愈低吸貨愈好，但雞股回得好深時去吸，卻不是好事，雞股股價全是人為造成，回落一、兩成尚可，回到四、五成，走勢圖都幾唔靚仔，無必要人為做咁肉酸o既圖，所以可能係莊家都頂唔順，可能係莊家自己都出緊貨，你仲撲埋去？如果股份陰陰落，咁派貨的可能性更大。

　　你可能話，陸羽仁講到咁複雜，實戰時一般散戶好難分得開。我話唔驚，搞唔清只要還原基本步，要定止蝕位，一成止蝕又好，兩成止蝕又好，到位就斬，唔好留情。

　　上完導修課，最好實習吓，唔試過，唔輸過錢，對陸羽仁講緊乜唔會太有感覺，如果要輸錢，當然係後生輸好啲，後生輸哂，可以搵過。唔駛怕輸錢，最緊要每次輸錢都明白輸乜，輸多幾次，你就會明白陸羽仁經常講嗰的笨笨地、幾保守、贏錢贏唔盡的投資心法，到底為乜咁做。

陸羽仁 on 29 June 2007
http://www.hkheadline.com/blog/reply_blog.asp?f=5YTPBH5B812303&id=43167&catID=&catType=&keyword=&searchtype=

贏粒糖 輸間廠 (2)

港股臨近期指結算插一插，期指低見２１６００點，尾市略反彈，今日結算日。對好友來說，大市回吐絕對係好事，放慢少少升，升完又回吓，可以將升勢延續，繼續係嗰句，即使見大市回吐，都唔好做淡。

　　繼續講講昨日講開的「贏粒糖，輸間廠」的話題。輸間廠好多人試過，網友路斯伯的經驗是買入一隻細股新確（１０６３），在２．３元時買了１２０００股，２．８萬元，其後一路跌，１．５元，１元，０．７元，後來供股裂口低開造０．３元，最後路斯伯在０．４元沽出，得番４８００元，只得個零頭。

　　不過路斯伯的情況不是最慘痛，我有個朋友買隻雞股，花了五萬元，後來跌到阿媽都唔認得，跟住又合併又供股，供股完又供股，最後剩下來的股份只值１３２元，呢隻雞股最近又喪屍翻生狂升了，但朋友的股份只值千幾元。

　　講番路斯伯的個案，陸羽仁明知故問，路斯伯自命膽少，為什麼敢輸不敢贏呢？為什麼在輸的時候，見到股份不斷下跌，仍然敢死守唔走呢？

　　我認為表面看「敢輸」的行為，其實同樣源於一種怕死的心態，買股中了招，死到臨頭，大部份人唔想勇敢面對，最好的方法是無眼睇，我昨天講過大多數散戶是「膽少身痕型」，身痕想炒，膽少怕輸，買股中了招，輸到埋身，初時好緊張，四圍問人點算好，跟住無行動，隻股係咁跌，搞幾搞就想逃避，唔想再去睇，到過幾個月睇番轉頭，已經錯過了跌一成、兩成、三成、四成．．．．等止蝕時機，得番零頭，止唔止蝕都無分別，結果就揸到尾。

　　要防止自己「輸間廠」，亦有炒作心法，要「避免高追，切勿溝淡，硬手止蝕」。對少部份好貼市、幾專業的散戶來說，聞風追貨，是搵快錢的好方法。但大多數散戶幾唔貼市，例如返工唔睇得機，只能在早上或隔夜落盤或早上、中午預先落盤者，好難聞風追貨，股票升完一兩日，報紙寫到開巷，才去追貨，好易中伏，一中伏就陷入被動中，專業散戶上午追完貨下午都沽咗貨，你睇股價圖，連續兩三日幾枝大陽燭急升上來，到那時才買，這種股票雖然不排除會再升，但回吐的機會同樣大，所以避開已大幅急升的股票，想買都等回吐時買，是脫離陷阱的第一步。

　　好了，即使唔係高追，但都可能睇錯，你睇大市回吐已經回得夠，怎料買完繼續大跌，怎麼辦？你睇一隻股票有勢向上，點知買完就向下，怎麼辦？好多人買股見佢跌，第一個反應係唔信，會加注購淡，以拉低平均成本，低位買貨當然有好多例外情況，包括本來已設定分注買入，每低５％１注，同臨場溝貨不同；又例如你識睇隻股票基本價值，愈低愈買（咁就要睇你對自己的分析有幾大信心）；但好多散戶心態唔係咁，佢地見隻股買完下跌，入市再買，最簡單的心理是溝貨，拉低成本，這是堅持自己錯誤的行為（睇唔啱位入市就係一種錯誤），關鍵心理係「唔信隻嘢會跌」。記往不要溝貨，你買五隻股，一隻下跌，四隻上升，big deal？（好大件事？）你唔信邪，在下跌股份上加一倍注碼，假設你資金有限，沽其他股份攞錢來買下跌股，隻下跌股就由佔你組合２０％變成４０％，佢繼續跌你好大鑊。

　　跌得多唔對路，就要硬手止蝕。有人話炒股定一成止蝕，就經常要止蝕，唔掂。我寫文就話「硬守止蝕」，係對９０％對股市認識相當有限的散戶的建議，防止佢地「輸間廠」，對其他１０％懂得分析大市，分得開好股和雞股的散戶來講，不一定要硬守止蝕，請你把自己分類，對號入座。自認買股係幼稚園、小學生、中學生的要硬守止蝕，自認大學生不一定要止蝕，分唔清自己屬於邊類，睇唔清股份走勢，止蝕時咪沽一半留一半囉。如上述的投資組合，本來有２０％係蝕本貨，止蝕沽一半，變成只有１０％係蝕本貨，佢再跌時對整個組合的風險亦下降。電盈（０００８）是最經典的例子，香港電訊本來係大藍籌，俾盈科買了，可以先炒上２８元，再跌到低位得０．８元，０．９元（５合１前的價錢），買藍籌唔止蝕，竟然可以得番個零頭。買藍籌都要止蝕，你買的三、四、五、六線的股票，就更加要明白止蝕的重要，細股波幅大，你可以把止蝕位放在２０％，甚至更多，但如果有個高人話俾你聽跌３０％都唔駛止蝕，又唔理你買乜股，我既唔知呢個係乜高人，亦可以話佢最後會害死９０％散戶。

　　你可能話如果止蝕完又再升又點算？如果經常止蝕輸錢又點算？說到底，止蝕是防止有重大損失的手法，買保險要付保險費，你唔想有代價又想迴避風險，有無咁著數呀？炒隻雞股，止蝕完佢上番佢，你睇定再炒同一隻股，即使價位高啲，但安全啲，又係一個新交易，你又係另一條好漢了。

　　說到底你要慎擇入市位及入市方式，入市入得好，好少要止蝕，入市方法不好，經常要止蝕，要透過改善入市方式，減少止蝕的機會，要防止染病，而唔係有病食藥嫌佢苦。你或許會留意，陸羽仁在今年３月跌市後睇大市睇得樂觀，但睇位入市買股依然保守，唔到價買唔到就算，吼過第二次，吼過第二隻，有錢唔怕無嘢買，你們天天問咁多股，你驚無股買？入市位入得靚，入市後大市／個別股票好快向上，你買股就進入安全期，遠離止蝕位，可以放心坐吓貨。

　　炒股要止蝕的時候，下手要狠，不能手軟。買股可以手軟，打靶不能手軟。改善自己入市的EQ，不要人云亦云，揀好位入市，唔對路就止蝕，我就唔信你會再「輸間廠」啦。

陸羽仁 on 28 June 2007
http://www.hkheadline.com/blog/reply_blog.asp?f=5YTPBH5B812303&id=42924&catID=&keyword=&searchtype

贏粒糖 輸間廠 (1)

大市高位略回後牛皮，話咁快又到期指結算前兩天，睇吓係唔係在咁上下水位結算。

　　陸羽仁看見網友們早兩日討論沽貨得太早的問題，好多朋友都有好股沽得太早，衰股沽得太遲的經驗，點解呢？

　　 幾個網友K，CWH和路斯伯都講過自己將好股放出街「游水」的失敗例子(好多人都試過，包括陸羽仁在內)，不過網友路斯伯的情況幾典型，佢係咁講：

「我以前係一個好保守既人, 經常齋睇唔敢買, 錯失好多機會，曾經買過既好股如 #386中石化 等, 其實幫我賺過錢, 不過每次都因為蠅頭小利而賣出, 賣出後又唔肯以高於賣出價追回, 結果一去冇回頭..... (兩年前我以 $2.75買入6000股 #386, 06年初以 $3.75賣出, 呢次係我睇一次參與股市)

「唯一一次輸大錢係因為#1063 新確, 剛剛買賣幾次贏得小利後, 就以為自己好醒, 所以以 $2.3買入12000股後, 初期有微利但冇賣出, 後來不停下跌, 跌至 $1.5水平都唔止蝕, 然後因業績問題, 有一天裂口低開 $0.7X, 我都唔認輸, 後來再因供股再度裂口造$0.3X......最後以$0.4賣出......此一役輸了2萬多元, 我又變得膽小, 所以2006年底既升浪我並冇受惠。」

　　　路斯伯的情況，就是典型的「贏粒糖、輸間廠」的故事。要防止類似慘劇在自己身上再發生，大家要細心研究慘劇發生的每一個細節。

　　表面上看，有這種行為的散戶十分膽小，他們不敢去贏，所以贏少少就走，怕再坐落去會輸，但如果散戶的特點是膽少，怕輸，為什麼他們輸的時候卻夠膽死守，守到自己「輸間廠」呢？

　　我會把散戶分成兩大類，第一類是瞓身喪賭型，這類人賭會賭到盡，贏又贏死，輸又輸死，可說是「贏間廠，輸間廠」，這類人佔較少數，輸起上來會輸身家。

　　第二類是膽少身痕型，這類人有少少賭博因子，因為無賭博因子的人不會炒股票（好少有人好似陸羽仁無乜賭博因子把炒股當做學術研究，一笑），無賭博因子的人會把錢拿去存定期（陸羽仁的太座就係呢類人），所以有點賭博因子，少少身痕，就會去買股票，賺少少又好騰雞即刻走。這類股民佔大多數，香港股市普通旺時有二十萬股民，旺市時有五、六十萬，在股市熾熱時，吸引大量自稱「新仔」的物體涉足股場。「贏粒糖，輸間廠」就是這類人面對的最大危險。

　　敢輸唔敢贏表面上看是一種奇怪心理，其實內裏有一種心理貫，「膽少身痕型」的散戶怕輸，所以贏少少就走，鎖定利潤；但輸時唔肯走，想死坐坐番的錢番來。

　　先講「贏粒糖」，有好幾種情況，第一，有些散戶「以前」買股好少贏，一見到贏就好高興，無幾耐就即係走。第二，新仔入場遲，愛高追，好多時贏少少唔沽跟住就輸番，試過一兩次，以後一有利潤就閃。第三，散戶心理質素好弱，亦唔識分好股壞股，即使揸了好股，亦好易在大戶玩震倉時被震走。

綜合而言，散戶炒炒吓，有一百個理由買了好股都揸唔長。所以巴菲特低買好股長揸法，是對應散戶心理弱點的最好方法，低價買入好股，一直死揸下去，直至公司質素惡化才沽出，這是「投質的我」的做法。

你話我都係想做吓「投機的我」，有乜方法防止「贏粒糖」呢？我沒有捷徑可以提供，但基本手法是「順應大市，避免高追，食盡升幅」，首先要對大市有一個基本睇法，即使並唔係好準確咁估到大市（估到做期指、期權可以好發，不過散戶一般無咁o既本事，好易成為大戶點心），但起碼要知大市的大方向，然後順應大方向行事，例如你見恒指在２００００點至２１０００點牛皮咗咁耐，無理由一升就玩完啩，咁短期大市仍向上，你可以順應大市去做。

講到避免高追，你知我好唔鐘意高追（剛開始升時追貨是例外），就算大市向上，短期升得太急時，即使大市不回吐，自己買的股份一個短浪回吐，隨時唔見８至１０％，又唔知止唔止蝕好，不如等佢短浪回吐時再吸仲好，或許有時咁買貨買來的貨更貴，但避開一買就大幅回吐的風險。而且成日高追中伏，捱價一排，後來一升就會想沽，這根本是經常錯位入市訓練出來的壞習慣。

至於食盡升幅，就更加唔使我教，在升浪中唔好過急睇淡出貨，有時牛皮幾個月就係等呢個浪，浪一來會把一切浮高，不要被過去幾個月沉悶氣氛所蒙蔽，大戶造市，跌又跌得急，升又升得急，有利潤在手，不妨坐吓，等大市升浪行得深的才出貨，至少也用不斷推高止賺位出貨，以免真係遇上一個直線急升的走勢時，自己都食唔到。

（明天再講「輸間廠」之情況）

陸羽仁 on 27 June 2007
http://www.hkheadline.com/blog/reply_blog.asp?f=5YTPBH5B812303&id=42650&catID=&keyword=&searchtype

你有 L 用嗎?

4x 既 Manager 成日話一代不如一代
3x 既 Super 又話一蟹不如一蟹
不過，2x 既我，就唔敢話 1x 既人啦
而家 d 靚仔靚妹，都不知幾早熟
14 歲已經識玩 5p 啦
我呢 d 2x 都尾既，連 3p 都未試過
又點好意思話人無 L 用丫
分分鐘人地話點會無，重有 4 條添丫

剪頭髮

一直都想擁有一個龍珠頭
奈何真係唔知點搞
亞博教我去 salon 剪
剪之前叫果個師父剪碎 d，剪鬆 d，自己會用泥 gel 頭，剪好 d 剪形 d 去飲要見人

入到去 salon，同貌似亞葛既師父講完上面堆廢話後
亞葛話:
錯晒，完全錯晒 (錯...錯咩丫)
呢 d 死靚仔頭唔岩你架 (我都唔係好老姐)
你塊面咁長，應該留長頭髮先岩 (我岩岩先洗濕左個頭，你叫我留返長 d 頭髮，咁係咪唔收我錢丫)
你塊面好長，應該帶個大 d 既眼鏡 (我呢個重唔夠大嗎)
你塊面太長，留返 d 鬚，等塊面多 d 野，留 d 鬚個樣咸濕 d 先多女痴埋來架 (係咪真架)
你 gel 頭耍唔耍家? 唔得就不如電髮啦 (...)
我儘量幫你救啦 (我...未死得瓜)

剪完出來，又真係形仔左好多 wo

壹 週 刊（902 期）：天 下 第 一 倉

中 移 動 五 年 見 $150

追 求 安 全 是 很 好 的 習 慣 。 不 過 ， 如 果 你 志 在 賺 取 最 高 回 報 ， 無 可 避 免 要 放 棄 部 分 安 全 感 ， 至 於 犧 牲 多 少 ， 則 視 乎 準 備 冒 多 少 風 險 。
我 已 過 了 退 休 年 齡 ， 雖 然 仍 未 享 受 這 種 悠 閒 生 活 。 但 我 明 確 知 道 要 好 好 保 存 資 產 ， 減 少 作 出 錯 誤 決 定 。

即 使 我 力 求 穩 健 ， 我 仍 找 尋 機 會 買 入 一 些 回 報 較 佳 的 投 資 ， 我 會 以 股 票 一 年 後 的 表 現 作 評 核 基 準 。
我 期 望 組 合 內 的 每 隻 股 票 ， 連 同 股 價 上 漲 及 股 息 ， 每 年 回 報 達 一 成 半 ， 尤 其 希 望 明 年 可 以 持 續 ； 若 我 選 擇 了 某 股 ， 我 當 然 認 為 它 日 後 股 價 會 比 今 天 更 高 。 這 選 股 辦 法 ， 肯 定 淘 汰 了 許 多 現 時 備 受 追 捧 的 中 資 股 。 雖 然 我 認 同 它 們 的 股 價 在 短 期 內 可 繼 續 向 上 ， 但 我 不 肯 定 日 後 市 場 氣 氛 ， 會 否 一 如 現 時 般 樂 觀 。

股 民 情 緒 一 百 八 十 度 變
每 當 股 市 泡 沫 過 分 膨 脹 ， 股 價 會 反 應 過 敏 ， 一 般 散 戶 的 情 緒 會 一 百 八 十 度 轉 變 。 今 日 的 中 國 泡 沫 何 時 爆 破 仍 屬 未 知 之 數 ， 然 而 這 種 情 緒 持 續 下 去 的 話 ， 股 市 遲 早 來 個 高 台 跳 水 ； 愈 遲 爆 破 ， 跌 幅 愈 勁 。
假 如 我 無 法 預 見 某 股 股 價 能 夠 翻 一 番 ， 即 使 其 股 價 短 期 內 可 火 箭 般 上 升 ， 我 亦 肯 定 會 棄 之 在 旁 。 我 從 不 奢 望 股 價 可 短 期 內 升 一 倍 ， 但 五 年 光 景 非 淺 ， 絕 對 有 能 力 翻 一 番 。
我 假 定 ○ 八 年 中 市 場 回 復 正 常 ， 中 國 溢 價 概 念 消 失 ， 再 評 估 各 企 業 的 前 景 。
若 以 九 十 二 元 人 民 幣 兌 換 一 百 元 港 幣 計 算 ， 預 期 中 移 動 今 年 賺 七 百 八 十 億 人 民 幣 ， 現 價 七 十 五 元 ， 市 盈 率 十 七 倍 半 。 我 預 期 中 移 動 ○ 八 年 可 賺 九 百 四 十 億 人 民 幣 ， 屆 時 八 十 五 元 人 民 幣 換 一 百 元 港 幣 ， 其 市 盈 率 將 跌 至 十 五 倍 ； 扣 除 四 釐 股 息 ， 目 標 價 八 十 三 元 。

人 民 幣 升 值 　 中 移 動 受 惠
只 要 未 來 五 年 中 移 動 能 持 續 以 此 速 度 增 長 ， 股 價 可 升 至 一 百 五 十 元 ， 到 時 中 移 動 市 值 將 令 人 難 以 置 信 地 到 達 三 萬 億 。 若 以 每 年 盈 利 增 長 兩 成 計 算 ， 尤 其 是 人 民 幣 繼 續 升 值 ， 二 ○ 一 ○ 年 更 有 可 能 賺 一 千 二 百 億 人 民 幣 。
中 國 鋁 業 現 價 十 三 元 二 角 ， 市 值 一 千 七 百 億 ， 最 近 傳 出 中 鋁 向 母 公 司 買 入 新 業 務 ， 以 及 返 回 國 內 發 行 A 股 。 去 年 中 鋁 全 年 賺 一 百 一 十 七 億 人 民 幣 ， 當 中 上 半 年 佔 六 十 七 億 人 民 幣 ； 下 半 年 多 次 傳 出 減 鋁 價 ， 可 能 是 其 盈 利 不 及 上 半 年 的 原 因 。
中 鋁 盈 利 率 近 兩 年 保 持 不 變 ， 但 我 擔 心 無 以 為 繼 。 若 然 二 ○ 一 一 年 能 賺 二 百 億 ， 中 鋁 市 值 可 達 三 千 四 百 億 元 。
以 同 一 角 度 看 工 商 銀 行 （ 1398 ） ， 原 來 很 有 趣 。 工 行 現 價 四 元 二 角 五 仙 ， 市 值 一 萬 四 千 二 百 億 ， 股 價 翻 一 番 便 是 八 元 五 角 。 去 年 工 行 賺 四 百 八 十 億 人 民 幣 ， 預 期 ○ 七 年 賺 六 百 二 十 億 人 民 幣 。 要 支 撐 股 價 ， 我 認 為 二 ○ 一 ○ 年 盈 利 至 少 要 有 一 千 五 百 億 ， 但 我 不 相 信 工 行 能 長 期 保 持 盈 利 增 長 兩 成 或 以 上 。

這 情 況 可 能 發 生 ， 惟 我 堅 持 保 留 態 度 。 我 感 到 未 來 有 一 些 好 機 會 入 市 ， 或 許 出 現 政 治 或 國 際 巨 變 。
我 會 沿 用 非 常 謹 慎 的 策 略 選 股 ， 因 能 容 許 我 犯 錯 ， 即 使 未 來 五 年 升 幅 未 能 百 分 百 ， 股 價 若 只 升 五 成 ， 亦 可 算 有 交 待 。

discuss

負資產 400 萬

討債的人來了

沒有黑氣石的日子，第 2 日，晴

自從黑氣石蝕放左 993 之後，已經 2 日無見過佢 lu
唔知佢而家點呢? 心情好返 D 未呢?
唔通呢兩日佢上左 IFC 天台?

其實隻 993 都係累佢一日唔見左 1500 蚊姐
應該上唔到天台既
最多都係上到 2/F，什至只能夠去 KFC

不過如果有人係 IFC 見到黑氣石，唔該話比佢知，我地好掛住佢喔
重有，呢兩日個市加埋升左 370 點，有 2000 億成交

PES 2007

早幾日買左隻 PES 2007
同 Calvin 打到天昏地暗
個衰仔真係幾好波
我暫時最勁都係同佢打個和
而家重搞到降班
嘿，可惡

大佬，你幾時 join
Jordy，你幾時 join
劑哥，你幾時 join

Game 連手制都係 250 蚊姐
快 D join

P.S. 原來個手制係唔可以插住熄機，如果唔係熄機變 reboot

謎: 股壇黑氣石終極拆解

點解細價股一日之內可以跌 10 %，有 D 重跌超過 15 %。唔通細價股被一股神秘力量控制?
今日，等 Adam 鄭同你來過終極拆解。

對於今次既細價股股災，有人認為係巧合，有人認為係秋官既詛咒，亦有人認為係黑氣石效應。

首先，我們找個數學家分析巧合既可能性，數學家提出一個例子，假如你擲公字，出現公字既機會係一半，如果連續出現 10 次公，你不能抹殺巧合既可能性，但係你不禁會懷疑個硬幣是否 fair coin。套用在黑氣石效應之上，如果升跌機會均等(實際上是升多過跌)，雖然不能抹殺巧合的可能性，但是從機會率上，出現這樣的巧合機會實在太低，反而確有黑氣石效應的機會更高。

既然巧合的機會不大，又會否是詛咒？詛咒往往是源於人既怨念，尤其係人臨死前既詛咒係最靈的。說到這裡，Adam 鄭忽然叫停，大叫他都未死，又何來死前詛咒，即使是戲中的丁蟹，大結局時候都未死。既然不是詛咒，那又是什麼呢？

不如等我地先睇睇黑氣石既往績，謎女郎，File 唔該。
857 - 於 10.2 時買入，8.9 時賣出，之後馬上發現 40 年來最大油田，係溫總都興奮到訓唔著既情況下爆升上接近 11 蚊
1800 - 於 6.1 時買入，5.9 時賣出，之後 1800 坐了火箭，一直升到 13 蚊都未停過
1883 - 抽到 IPO，價錢為 2.58，升到 3.4 時打算賣出，點知按了買入，之後股價一直在 3.1 左右水平

至於點解細價股會係一日之內大插呢?係十年前，大埔明哥仔買左隻 993，點知撞正股災，由 0.5 跌到 0.1。估唔到十年之後，細價股當炒，隻 993 升到上十年來既高位，去到 0.8，大埔明哥亦變為大埔股神。係細價股大跌果日，即係 6 月 15 日，黑氣石同明哥之間發生左 D 咩爭吵，係唔係互片過，雙方都極力否認，但係以我地所知，當日黑氣石係 0.76 入左 18000 股 993。 (註: 6 月 18 日於 0.68 賣出)

黑氣石咁樣入一入，唔單止掃平左 993，重一獲過打爆晒 D 細價股，係 discuss 入面，你可以好輕易咁睇到好多 "細價股痛哭區" 同埋 "細價股遊艇會"。

到底今次既細價股股災，係唔係同黑氣石效應有關呢，至今都重係一個 "謎"。不過 Adam 鄭係度高呼，佢終於都搵到接班人啦。

6 月 15 日
富昌證券總經理藺常念表示，細價股熱已持續一段日子，大部分累積相當升幅，以近日細價股的成交量分析，不排除連莊家都離場。他續指，昨日部分客戶已將資金由細價股轉炒國企股及窩輪，相信細價股熱接近尾聲。新鴻基金融策略師彭偉新指，昨日有跡象顯示資金由細價流向國企股，但暫難評論細價股熱是否已完結。
係大市升 150 點既時候，部份細價股昨日跌幅如下:
162 - drop 1.47%
355 - drop 2.82%
2878 - drop 4.17%
419 - drop 4.58%
260 - drop 5.88%
231 - drop 7.41%
261 - drop 8.22%
250 - drop 8.23%
8138 - drop 9.21%
397 - drop 9.89%
8117 - drop 11.11%
348 - drop 13.33 %
858 - drop 16.03 %

6 月 18 日
大升爆升 560 點，成交破記錄超過 1000 億，大部份細價股再大插多 5 %

壹 週 刊（901 期）：天 下 第 一 倉

成 功 買 入 中 行

看 來 我 們 正 處 於 炎 夏 寂 靜 。
國 內 謠 傳 增 收 印 花 稅 ， 數 天 後 竟 然 成 真 ， 接 著 又 傳 再 加 印 花 稅 及 徵 收 資 本 增 值 稅 ， 雖 然 中 央 嚴 正 否 認 ， A 股 泡 沫 仍 因 此 得 以 暫 時 停 止 膨 脹 。
中 國 政 府 高 官 早 前 高 調 批 評 股 市 過 高 ， 股 市 即 應 聲 下 跌 ， 證 明 官 員 真 的 怕 老 百 姓 有 朝 一 日 對 股 市 信 心 崩 潰 ， 相 信 中 央 仍 會 久 不 久 剎 停 股 市 列 車 ， 然 後 再 重 新 開 動 。

A 股 下 跌 近 兩 成 ， 出 奇 地 香 港 沒 有 大 受 影 響 。 港 股 走 勢 近 期 跟 隨 美 股 較 多 ， 而 美 國 正 處 於 長 期 牛 市 ， 雖 然 間 中 或 會 有 陣 痛 ， 但 減 息 的 機 會 已 大 降 。
就 算 美 國 經 濟 真 的 減 弱 ， 需 要 減 息 來 刺 激 市 場 ， 這 本 身 並 非 什 麼 好 消 息 ， 更 可 能 打 亂 股 市 步 伐 。

慎 防 剎 車 　 佩 戴 安 全 帶
無 論 如 何 ， 這 次 剎 掣 ， 正 好 讓 投 資 者 坐 定 定 ， 仔 細 衡 量 利 弊 。 八 月 開 始 的 中 期 業 績 公 布 潮 ， 將 會 是 照 妖 鏡 。
我 並 不 擔 心 有 任 何 事 情 會 打 亂 我 的 長 遠 目 標 ， 我 們 的 中 資 股 票 正 處 於 優 勢 ， 雖 然 當 中 不 少 股 價 已 偏 貴 。 現 時 中 資 股 只 佔 組 合 逾 四 成 ， 因 我 們 著 重 了 匯 豐 及 宏 利 ， 兩 大 台 柱 現 各 佔 組 合 約 一 成 半 。
我 對 這 兩 大 基 石 充 滿 信 心 ， 其 中 匯 豐 已 許 下 承 諾 ， 全 年 表 現 會 大 躍 進 ， 盈 利 增 幅 有 望 超 過 一 成 半 ， 屆 時 匯 豐 市 盈 率 僅 十 二 倍 ！
中 石 油 及 中 石 化 這 兩 大 石 油 巨 企 ， 兩 者 的 派 息 政 策 令 我 有 少 許 失 望 ， 中 石 化 更 未 能 達 到 招 股 書 中 的 承 諾 ， 但 兩 者 可 對 沖 油 價 再 一 次 急 升 ， 估 計 盈 利 應 與 去 年 相 差 不 遠 ，可 以 接 受 ， 然 而 萬 一 油 價 下 跌 ， 現 價 頓 時 變 得 昂 貴 。 不 過 ， 我 期 待 業 績 報 告 會 有 發 現 新 油 田 的 進 一 步 資 料 。
油 價 走 勢 言 人 人 殊 ， 現 階 段 似 乎 平 穩 ， 我 相 信 油 價 今 年 稍 後 會 再 闖 新 高 ， 惟 未 來 十 年 的 平 均 油 價 ， 會 低 於 現 價 ， 我 會 繼 續 持 有 這 兩 大 油 企 。

中 移 動 不 會 跌 眼 鏡
中 移 動 盈 利 繼 續 強 勁 ， 半 年 業 績 不 會 令 人 跌 眼 鏡 ， 若 公 司 能 明 確 表 示 削 減 漫 遊 費 不 會 大 幅 影 響 盈 利 能 力 ， 我 會 更 放 心 。 預 期 新 客 增 長 速 度 會 放 緩 ， 但 中 移 動 已 處 壟 斷 地 位 ， 怎 能 過 於 吹 毛 求 疵 ， 要 求 高 速 增 長 。
華 能 國 際 是 令 人 有 驚 喜 的 公 司 ， 現 價 八 元 計 ， 市 值 一 千 億 元 ； 去 年 賺 六 十 億 人 民 幣 ， 往 績 市 盈 率 約 十 六 倍 多 。 華 能 營 業 額 增 加 至 四 百 四 十 億 元 人 民 幣 ， 撇 除 聯 營 公 司 的 收 入 ， 盈 利 率 約 一 成 四 ， 相 對 中 電 （ 2 ） 盈 利 率 接 近 兩 成 仍 有 差 別 。
華 能 售 電 增 長 沒 有 減 退 ， 由 於 電 力 公 司 需 要 改 善 污 染 問 題 ， 假 若 有 關 機 構 不 准 電 力 公 司 賺 錢 ， 何 來 有 資 金 更 新 舊 廠 房 ， 解 決 污 染 問 題 ？
我 手 頭 沒 有 中 國 鋁 業 及 中 國 遠 洋 的 盈 利 預 測 資 料 ， 市 場 對 這 兩 間 公 司 的 期 望 遠 比 我 高。 但 即 使 出 現 最 壞 情 況 ， 我 們 因 為 成 本 價 超 平 ， 仍 處 不 敗 之 地 。
我 對 瑞 房 這 隻 黑 馬 抱 有 高 度 期 望 ， 該 公 司 三 年 內 有 望 跑 出 。
上 星 期 ， 我 們 透 過 新 公 布 的 買 賣 機 制 ， 成 功 在 三 元 七 角 八 仙 ， 買 入 一 萬 股 中 國 銀 行 。

discuss

放大假

星期六短週
星期日唔識開工
星期一請左假
星期二睇龍舟

呵呵，連放 4 日假，yummy~~

外星人

外星人所到之處的破壞力

巴西甲組聯賽60埸進58球 - 進球率96.6% (進球率巴西第一)

荷蘭甲組聯賽46埸進42球 - 進球率91.3% (進球率荷蘭第一)

西班牙甲組聯賽140埸進109球 - 進球率77.8% (進球率西班牙第一)

意大利甲組聯賽68埸進49球 - 進球率72.0% (進球率意大利44年來第一)

小檔案
球員名稱(中) : 朗拿度
球員名稱(英) : Ronaldo Luiz Nazario de Lima
綽號 : 外星人
位置 : 前鋒
所屬球會 : AC米蘭
前度球會 : 高士路 , 燕豪芬 , 巴塞隆拿 , 國際米蘭 , 皇家馬德里
球衣號碼 : 99號
國籍 : 巴西
出生地點 : 巴西里約熱內盧
出生日期 : 22/09/1976
身高 : 183cm

個人獎項:
世界足球先生(1996年)
世界足球先生(1997年)
世界足球先生(2002年)
世界盃金球獎(1998年)
世界盃銀球獎(2002年)
世界盃金靴獎(2002年)
歐洲足球先生(1997年)
歐洲足球先生(2002年)
歐洲足協最有價值球員(1998年)
西班牙甲組聯賽神射手(1996/97)
西班牙甲組聯賽神射手(2003/04)
金足獎(2006年)

球會獎項:
歐洲盃賽冠軍盃冠軍(1996/97)
歐洲足協盃冠軍(1997/98)
歐洲超級盃冠軍(2002年)
荷蘭盃冠軍(1996年)
西班牙甲組聯賽冠軍(2002/03)
西班牙超級盃冠軍(2003年)
豐田杯冠軍(2002年)

國家隊獎項(巴西):
世界盃冠軍(1994年)
世界盃冠軍(2002年)
世界盃亞軍(1998年)
美洲國家盃冠軍(1997年)
美洲國家盃冠軍(1999年)

discuss

壹 週 刊（900 期）：天 下 第 一 倉

出 擊 買 工 行 中 行

多 間 新 上 市 的 巨 無 霸 中 資 銀 行 ， 具 備 一 切 成 為 優 質 股 的 條 件 ， 我 審 視 它 們已 有 一 段 日 子 ， 以 往 我 一 直 認 為 它 們 股 價 過 高 ， 但 如 今 我 改 變 主 意 。 就 以 市 值 及 營 業 額 最 大 的 工 商 銀 行 （ 1398 ） 為 例 ， 已 經 達 到 我 可 以 吸 納 的 階 段 。
這 並 非 代 表 工 行 現 價 便 宜 ， 我 希 望 在 股 價 三 元 五 角 替 組 合 買 入 。 我 很 懶 亦 欠 缺 耐 性 ， 若 我 認 為 三 元 五 角 已 見 底 ， 我 會 不 斷 搶 購 ， 但 這 並 非 我 的 一 貫 做 法 。

入 中 石 油 被 指 瘋 狂
部 分 讀 者 或 許 記 得 ， 我 曾 經 說 過 中 石 油 在 二 元 很 吸 引 ， 一 如 工 行 ， 這 類 大 型 企 業 應 加 入 組 合 之 內 。 然 而 我 是 跌 穿 此 價 才 決 心 入 貨 ， 分 階 段 吸 納 ， 越 跌 越 買 。
我 由 一 元 八 角 七 仙 開 始 買 中 石 油 ， 其 間 不 斷 掃 貨 ， 直 至 股 價 跌 了 近 四 成 至 一 元 二 角 。 很 多 讀 者 怕 起 來 ， 以 為 我 瘋 了 ， 有 的 更 誤 信 他 人 ， 決 定 止 蝕 。 這 反 而 令 我 高 興 ， 因 我 能 夠 以 更 低 價 格 增 持 ， 令 中 石 油 成 為 組 合 的 核 心 之 一 。
我 這 種 買 股 方 式 ， 曾 套 用 在 中 國 鋁 業 及 華 能 國 際 ， 以 及 更 早 之 前 的 中 移 動 身 上 。 我 很 可 能 是 全 港 唯 一 的 投 資 者 ， 希 望 手 上 股 票 的 價 格 下 跌 。 此 法 亦 令 追 隨 我 建 議 買 賣 的 人 ， 可 自 行 決 定 何 時 入 貨 。
若 讀 者 欲 跟 隨 我 買 入 工 行 或 中 國 銀 行 （ 3988 ） ， 不 用 立 即 向 經 紀 落 指 令 ， 要 仔 細 考 慮 ， 會 否 因 此 導 致 手 頭 現 金 短 缺 。

水 頭 充 足 　 越 跌 越 買
我 計 劃 在 四 元 買 入 一 萬 股 工 行 ， 跌 至 三 元 九 角 便 買 多 一 萬 股 ， 三 元 八 角 再 買 一 萬 股 ，股 價 每 跌 一 角 ， 我 便 加 碼 一 萬 股 ， 直 至 股 價 跌 至 三 元 。 成 事 的 話 ， 工 行 的 平 均 成 本 約 為 三 元 五 角 。
現 在 是 時 候 闡 釋 我 為 何 相 信 工 行 ， 你 亦 可 將 之 應 用 至 中 國 銀 行 或 建 設 銀 行 （ 939 ） 身 上 。 三 者 相 比 ， 中 行 比 工 行 略 平 ， 而 建 行 則 比 工 行 貴 少 許， 但 俱 買 得 過 。
去 年 工 行 賺 四 百 九 十 億 元 人 民 幣 ， 以 內 地 銀 行 業 增 長 兩 成 估計 ， ○ 七 年 工 行 大 有 機 會 賺 逾 六 百 億 元 人 民 幣 ， 而 ○ 六 年 的 盈 利 ， 並 未 有 反 映 招 股 上 市 令 其 資 本 大 幅 增 長 ， 這 將 在 ○ 七 年 成 績 中 完 全 反 映 。
以 工 行 股 價 四 元 計 算 ， 其 市 值 約 一 萬 三 千 三 百 五 十 億 元 ， 盈 利 六 百 二 十 億 元 人 民 幣 ， 市 盈 率 約 二 十 一點 五 倍 。 若 以 我 們 的 目 標 價 三 元 五 角 計 算 ， 市 盈 率 低 於 十 九 倍 ， 這 還 未 計 及 人 民 幣 升 值 後 ， 兌 算 港 幣 所 得 的 額 外 盈 利 。 工 行 大 有 可 能 在 未 來 兩 年 ， 盈 利 因 此 增 加 兩 成。
中 國 銀 行 現 價 三 元 八 角 ， 市 值 九 千 六 百 五 十 億 ， ○ 六 年 賺 四 百 二 十 億 ， 預期 ○ 七 年 盈 利 超 逾 五 百 億 ， 市 盈 率 僅 十 九 倍 。 我 會 將 中 國 銀 行 列 入 搜 購 名 單 內 ， 在 三 元 八 角 買 入 一 萬 股 ， 目 標 是 股 價 每 跌 一 角 ， 便 再 買 一 萬 股 ， 直 至 現 金 用 光 再 算 。
就 讓 我 們 祈 禱 市 場 真 的 下 跌 吧 ， 令 我 們 得 以 買 入 更 多 巨 無 霸 中 資 銀 行 股 。

discuss

始終有你

一步步致富

財不入急門，年青人一步步致富!!!

實例投資 (1)
每月買一手建行 (939)，由 2005 年 10 月至 2007 年 6 月，平均回報達 20%，7.8 年成為百萬富翁

實例投資 (2)
每月月供股票 $4600
一：最簡單的方法就是買入盈富基金 (2800)。(它是一個與恆生指數同步的基金。)
二：留意身邊的事物，衣、食、住、行。你平時喜歡穿哪一個牌子的衫？那就買它的股票吧! (Esprit， Baleno，大快活，大家樂，百花油，青島啤酒，地鐵等等它們每年投資回報都超過 8%)。
三：銀行及保險股，香港任何一間上市的銀行股，每年投資回報都超過8%。保險公司如 宏利及中國人壽，更不用說了!
四：資源、礦產。如：中國石油、江西銅、湖南有色等等。
五：你過往賺過超過 8% 的股票，等機會把它買回來吧! 因為你哪份後悔的執著豈止 8% 呢?



discuss

壹 週 刊（899 期）：天 下 第 一 倉

華 潤 系 敬 而 遠 之


問 ： 華 潤 電 力 （ 836 ） 的 市 盈 率 低 於 華 能 國 際 ， 為 何 你 捨 平 取 貴 ？
答 ： 華 能 國 際 規 模 遠 遠 勝 於 華 潤 電 力 ， 華 能 市 值 約 一 千 億 元 ， 華 潤 電 力 市 值 五 百 五 十 億 ， 而 且 華 能 的 管 理 層 較 為 專 業 。
華 能 去 年 營 業 額 增 加 至 四 百 四 十 七 億 人 民 幣 ， 賺 六 十 一 億 人 民 幣 ， 而 華 潤 電 力 營 業 額 九 十 七 億 人 民 幣 ， 賺 二 十 三 億 六 千 萬 人 民 幣 。 我 看 了 華 潤 電 力 近 兩 年 的 年 報 ， 我 認 為 很 難 看 得 明 白 。
華 潤 系 近 十 年 的 表 現 平 平 無 奇 ， 華 潤 創 業 （ 291 ） ○ 四 年 每 股 盈 利 三 十 一 仙 人 民 幣 ， 直 到 ○ 六 年 仍 原 地 踏 步 ， 照 舊 賺 三 十 一 仙 人 民 幣 ， 令 我 對 此 系 公 司 敬 而 遠 之 。

問 ： 我 今 年 三 十 三 歲 ， 打 算 六 十 歲 退 休 ， 希 望 以 月 供 方 式 買 股 票 ， 但 舉 棋 不 定 揀 匯 豐 還 是 盈 富 基 金 （ 2800 ） ？
答 ： 我 相 信 月 供 股 票 對 你 有 幫 助 。 匯 豐 現 價 買 入 可 謂 執 到 寶 ， 而 盈 富 基 金 因 追 恆 生 指 數 ， 現 價 已 靠 近 高 位 。 但 你 仍 有 二 十 七 年 工 作 時 間 ， 很 快 便 夠 錢 直 接 買 一 手 。 你 可 由 月 供 匯 豐 開 始 ， 日 後 若 你 有 需 要 增 加 每 月 供 款 ， 你 可 轉 買 盈 富 基 金 ， 又 或 直 接 在 市 場 買 入 。

問 ： 應 否 以 市 價 買 入 中 國 遠 洋 、 中 國 鋁 業 及 瑞 房 ？
答 ： 我 初 次 買 中 國 遠 洋 時 ， 其 股 價 正 在 冬 眠 ， 比 現 價 便 宜 得 多 ， 而 且 還 有 紅 股 贈 送 。 現 時 中 遠 洋 成 交 已 相 當 活 躍 ， 一 旦 市 況 逆 轉 ， 其 股 價 亦 不 能 倖 免 。
中 遠 洋 ○ 五 年 賺 五 十 六 億 元 人 民 幣 ， 去 年 全 年 僅 賺 二 十 億 元 人 民 幣 ， 很 難 評 估 未 來 盈 利 能 力 。 我 當 然 希 望 ○ 七 年 盈 利 能 迎 頭 趕 上 ， 但 現 價 需 要 小 心 留 神 。
中 鋁 走 勢 強 勁 ， 當 我 最 初 買 入 後 ， 股 價 仍 在 六 元 樓 下 之 時 ， 我 曾 猶 豫 應 否 再 多 買 一 些 。 我 深 信 中 鋁 長 線 十 分 出 色 ， 但 我 買 入 後 ， 其 表 現 比 較 反 覆 ， 多 少 困 擾 我 。
我 買 入 瑞 房 的 價 錢 與 現 價 差 不 多 ， 我 有 信 心 其 前 景 一 流 。 現 價 明 顯 偏 低 ， 抗 跌 能 力 強 勁 ， 是 我 近 期 愛 股 之 一 。

問 ： 最 近 分 別 以 一 百 四 十 五 元 二 角 和 二 百 七 十 七 元 買 入 匯 豐 及 宏 利 ， 買 入 價 是 否 過 高 ？
答 ： 我 十 分 肯 定 這 兩 間 公 司 ， 未 來 十 年 股 價 ， 較 你 的 買 入 價 翻 一 番 。

問 ： 漢 登 （ 448 ） 、 駿 威 汽 車 （ 203 ） 、 聯 想 （ 992 ） 、 e-solution （ 557 ） 及 貿 易 通 （ 536 ） 的 前 景 如 何 ？
答 ： 漢 登 是 小 型 紡 織 零 售 商 ， 不 熟 悉 此 間 公 司 的 人 不 宜 沾 手 ， 我 顯 然 外 行 ， 因 此 無 法 作 答 。
駿 威 是 汽 車 批 發 商 ， 行 業 競 爭 激 烈 ， 利 潤 有 限 ， 我 建 議 遠 離 此 股 。 我 對 聯 想 又 愛 又 恨 ， 我 曾 對 其 盈 利 能 力 抱 有 信 心 ， 但 卻 令 我 失 望 。 作 為 低 成 本 的 生 產 商 ， 聯 想 在 中 國 有 龐 大 市 場 ， 甚 至 可 出 口 歐 美 。 有 興 趣 的 話 可 買 入 作 中 線 投 機 。
買 入 e-solution 及 貿 易 通 是 相 當 危 險 的 事 ， 除 非 你 有 特 別 關 係 ， 否 則 不 要 沾 手 為 妙 。

discuss

購物策略

　　　港股一過期指結算，就急升３４１點，期指更由早幾日一直低水，拖住現貨向下，變成高水，拖番現貨向上，我就話「人為」味道極濃。

　　部份網友不知期指運作，我又搵唔到好書啱大家睇，唯有自已講多兩句。我成日講「現貨」即恒生指數，由於恒生指數由恒指成份股構成，所以這些成份股的升跌，造成恒指的變動。「期指」即恒生指數的期貨，理論上期指會跟恒指的走勢，但現實上期指比恒指會出現「高水」、「低水」。期指比恒指高水，即是期指點數比恒指點數高，以昨天恒指收市價２０６３４點計，期指收２０６９３點，即係期指高水５９點。所謂期指低水，是指期指價比恒指價低，假設期指昨天收市價是２０６００點，恒指價不變，仍然是２０６３４點，期指就變咗低水３４點。

　　現實上期指雖然是恒指的衍生產品，但期指的高水、低水會倒過來影響恒指，例如突有人大力沽１０００張期指，期指急插，恒指立刻會跟住插，因為買賣現貨者見期指咁跌法，就會認為有大戶唔睇好大市所以才大力沽期指，就會跟住沽現貨迴避風險，反之期指急升的情況亦係一樣。

　　我話期指一過結算日就由低水變高水，有人為因素，皆因表面觀之，過去幾日期指一直低水，代表的炒作者一直唔睇好，點解突然變得咁睇好，購買力咁強，強到令期指由低水轉高水？這種轉變過份突然。

　　你叫我估原因，就係好似昨日咁講，大戶沽５月期指、同時揸６月期指，所以一直壓價直到結算日。我仲估多一樣，就係最後因大陸加印花稅的一跌是阿爺送俾大戶o既，大戶食埋唔使講多謝，令結算日大市跌「突」咗。我自己估，大戶壓住大市，令期指在２０５００點結算都收貨o架啦，但你整單印花稅跌多的，都唔拘，結果結算日恒指收２０２９３點，恐怕都「跌突」咗２００點。

　　所以唔好覺得昨日升３４１點升好多，扣除這「跌突」的２００點，其實升咗１４０點，唔算太多，若果我這個世紀預言無錯，恒指仲可以升，先升番上２０８００點樓上浮游吓，到月中不排除又試吓高位。

　　散戶落雨時唔敢買嘢，到好猛太陽時又覺得自己手上無嘢好孤獨，忍唔住去高追，變成平時唔買貴時買，即使大市向上，但暫時未到大升時，都只會是波動向上，你一高追佢又回吐，好易將你震走。更慘者是遇上年頭國壽（２６２８）一役，唔係回落時俾人震走，而係根本中哂伏，當時散戶信氣氛，高追五行三保，結果以國壽為首的幾隻大陸金融股一直無好過，股市旺番，又轉咗炒其他嘢。

　　其實散戶其中一個大毛病，是沒有大方向，其實不知道自己想唔想買嘢，攞住錢走入街市漫無目的行一轉，跟住矇查查又走番出來，最慘就係如是者行了幾轉，到天都就快黑才落手買嘢，又睇唔到檔主其實想收檔的心態，價都唔講，照舊按貴價同檔主買嘢。

　　如果你覺得２０６３４點的股市已經好貴，覺得股市就會爆，基本策略應該唔買嘢，日日上這裏睇吓嘢，吹吓水就算。唔買嘢的風險是股市最後竟然大升，自己走寶，十分揼心，所以唔買嘢亦有唔買嘢的風險。

　　換一個角度，如果你覺得２０６３４點還有上升空間，覺得大市雖然高，會未會咁快爆，基本策略應該搵機會買嘢，好似早兩日跌市，就係買嘢的機會，最好係分段買，所以早兩日黑色星期三早上阿Ray問買得未，我就即刻話，想買就要開始買。如果判斷大市跌到２０５００點應該OK，把注碼分３注，２０５００點買第一注。好衰唔衰，真係咁黑，一買就整單印花稅，再跌，在２０３００點就買入第２注。一不離二，二不離三，衰起上來會愈買愈低，買得第二注，就要預咗要跌到２０１００買第三注，三注買齊，等如平均價在２０３００點的水位買貨，然後定一個止蝕價，買完即使反彈，但再跌亦都唔奇，但買價夠平，止蝕位可以定得低的，觸及止蝕位要離場的機會大降。

　　若跌到咁上就唔跌，買得２注，大市回升，若確認升勢，就即時追第三注，若在昨日２０５００點左右追第三注，平均成本是２０４００點左右，防守力都幾好。無論如何，買貨預咗輸，諗好什麼位止蝕，唔好以為自己咁叻一定估得中，不過低吸總比高追安全。（我只是講大市和大股，不是講細價股，細價股早已炒到大西洋，正如我在頭條日報專欄所講，隻隻細股有不同的消息，有些炒資產折讓，有些炒新生意，總之自己執生，到咁上下沽吓收番的本一定無錯）。

　　正如天雨買嘢，都係一樣，唔好見人減價，由４元一斤菜，減到２元，你仲話想等到１元才買，結果檔口都收埋，明天起身又是另一個世界，你以為明日黑色暴雨，點知出猛太陽，個菜販又賣番４元一斤，你買好定唔買好？

2007/6/1 上午 09:30:49
陸羽仁

discuss