真係愈來愈發覺亞葛唔剪頭髮，真係可以轉行做 DJ
相信只有林狗同埋森美有佢咁快既轉數同埋吹水既 powder
佢問我淨咩甩晒皮，係咪去左游水
我話水就無游啦，去左餵魚姐
之後亞葛就大講釣魚經
又話而家岩時候釣油魚，油魚做 sashimi 好好食丫
又話而家好多人去東涌釣魚丫
又話唔去南油點叫做釣過魚
又話點樣係果度用大八爪魚加快艇打怪獸丫
又話有幾多十套釣組一早綁好晒放係隻船到比你 reload 丫
個頭搞幾耐就吹左幾耐
但係，唔講唔知，原來亞葛佢自己係未釣過魚架
係同亞葛吹水既時候
就已經搞左染髮同埋電髮啦
不過而家都重未好睇得慣自己個新 look
同埋我問亞葛幫我用咩髮泥
點解可以做到個型咁硬淨又唔 "立"
佢話 GATSBY 果 d 油多，用完個頭一定 "立" 啦
想唔 "立"，用 Faddy 啦，呢隻係啞泥，$ 45 大大支勁抵玩
No comments:
Post a Comment