新霸主

當你見到一隊波...響歐錦分組賽關鍵賽事對住法國..
當你見到一隊波...半場拎住一球依然繼續換上攻擊球員
當你見到一隊波...射完2-0仲繼續狂攻開火
當你見到一隊波...5條法國國腳進攻果果陣用番5條友響禁區防守...
當你見到一隊波...比人扳回一粒.1分鐘後即刻醒番對手一粒還以顏色...
當你見到一隊波...全場狂攻既對手唔留力.最後完勝4-1...
當你見到一隊波...好似玩SHOWHAND玩到睇穿哂對手咩牌咁...
當你見到馬基列尼踢到喊﹑加拿斯踢到叫哂救命﹑亨利入完波唔夠兩分鐘跪左響地下....
當你見到呢隊波既對手係前世界杯亞軍........而且3日前波亦以3-0橫掃世界冠軍....
當你見到一隊波響「絕對世界級」死亡之組竟然可以操控生殺大權.可以想世界冠亞軍點都得.想邊隊出線都得...
當雲佬響亨利面前演繹何謂「吊射」﹑雲佩斯示範什麼是飛將軍﹑史奈達示範足球小將既火焰射球...
當雲佬可以玩埋腳法﹑ZIDANE轉身.洛賓入完波個「下?!入左喇?!」既表情...
當踢歐國杯﹑而對手係應屆世界杯冠亞軍可以踢到表演賽﹑友誼賽咁...
踢到同組對手好似跪地求出線咁...

唔知你地會點諗.但我諗起2個英文:E.T.
20年前果個屈機獸用另一種方式,一種令世界全部球評家全部球迷全部莊家都大趺眼鏡既方法,
一種合計7-1大炒意法聯隊既賽果向世人宣佈:我回來了