Leon 單野真係比左個好深既體會我，先唔好講果條數收唔收得返，係識佢呢三年入面，大家一直都係攬頭攬頸，同撈同煲，兄弟前兄弟後，最後竟然由佢把口講出 D 令人咁難受既說話，真係令我唔開心左好多晚。琴日 HY 春茗，我見到佢，想同佢打過招呼，但係佢又垂下頭當睇我唔到。有時有 D 野，大家當口當面坐底四四六六拆掂佢無話唔得，但係你又落晒閘連後門都封埋，到底係你唔想面對，定係唔想去理會呢? 至於個答案係邊個，Sorry，係呢個 moment，我已經失去左呢個去了解既興趣啦。
另一個例子就係琴日收到占哥封 20 蚊既利是。占哥開口埋口就話呢個係好兄弟，果個係好細佬，雖然我唔係 HY 做野，估唔到我立即由 “兄弟級” 跌到落去 “街坊街理級”。 講真，雖然我老豆退左休，佢都比左封 20 蚊利是我屋企樓下個看更。估唔到我呢個曾經係占哥口中既兄弟，占哥口中既細佬，會收到一封 20 蚊既利是。兄弟既野，唔係話要用錢來衡量，不過當我失去左價值，駛唔駛咁快將我降級?
最後又講講大佬。琴日係佢結婚兩周年紀念日，係度祝佢今年生番個金豬仔。雖然佢都未定佢之後既方向，都係度祝佢成功先啦。雖然佢話有好野一定會預埋班兄弟，哈，又係兄弟，我近日患左兄弟恐懼症，再加上你一定會預埋 Leon，唔係話對你無信心，只係唔想再受到 D 咩打擊，所以暫時我都只係想八卦下你既想法，將來既事將來先算啦。Anyway，多謝你。
Posted by 少帥 at 28 Feb 2007
Subscribe to:
Post Comments (Atom)
1 comment:
yoo.. nice
Post a Comment