MP PRESENTATION

MP 同我地 DIC 簽左約
合約既內容除左會同我地 DIC 拎油墨
其中一項就要我地同佢搞個油墨房

亞 Joe 話要同 MP 班人做翻個 Training Course
第一個 Course 要講色彩理論
佢話呢個 Course 由我 Handle
一來等我可以係實戰中練習
二來等 MP 班人都知道我係識野既

其實色彩理論真係冇咩野好講
亦都唔係 D 咩好深奧既理論
基本上有上過 Arts 既都會識
講來講去都係點解你會睇到顏色，咩係三原色
深入 D 既會係 Lab，不過都係一 D 好易明白既野

收到 Order，我就去整左 Powerpoint 啦
不過由於真係無咩好講
個 Powerpoint 加埋都係得 12 頁
所以我一早就整好左啦
不過我都估到亞 Joe 又係例牌到 Last Moment 先會拎來睇睇

到左 Presentation 前一日
亞 Joe 叫我比個 Powerpoint 佢睇下
佢一睇就話點解得咁少內容
佢預我講 45 分鐘，呢 D 內容最多都係得 20 分鐘
呢個 Powerpoint 唔得，唔掂
於是佢就話唔好用呢個 Powerpoint，改為用佢之前 Present 比 HKET 果個

其實佢果個 Powerpoint，色彩理論既內容同我係差唔多
多左既，反而係 D 九唔搭八既資料
又講水墨平衡，又講 AM FM，又講印刷設定
Anyway，佢話唔用得我果個，咁都無計啦，唯有用佢果個

到左 Presentation 果日
我就係 MP 班人面前講啦
點知講完幾個 Pages，5 分鐘都無
亞 Joe 就示意由佢講返
原因係我講得唔好
剩係識講 Powerpoint 既內容，唔夠生動
佢張 Slide 想表達既野，唔係我所講既內容，亦無佢咁多額外資料
佢事後話我講到成隻彊屍咁

果一刻我都真係幾火
第一，個 Topic 明明係色彩理論
我整好左個 Powerpoint
你一野就同我講唔夠料
要用佢果個 File 來 Presentation

第二，講明呢個 Presentation 比我 Handle
事前就講到話要比我係實戰中練習
點知唔夠 5 分鐘你就唔比我講

第三，呢個係我第一個 Presentation
會唔會有可能有你咁多野吹

第四，你淨係比左你個 Powerpoint 我
你有冇比埋你個 Subscrip，我又唔係你肚入面條虫
我點知你想我講 D 咩

其實我都應該預左有咁既結果
由佢改我 D Email 改到體無完膚果一刻我就應該知道
佢淨係相信佢自己既能力
係佢腦入面跟本就有一套 Model Answer
任何既事，只要有一隻字跟唔到佢既 Model Answer，
都唔駛旨意 Pass
所以基本上其他人所做既野，都唔岩佢心水架啦

若要人似我
隨非兩個我
到底佢明唔明呢個道理

Posted by 少帥 at 31 March 2007