落後龍頭股

岩岩聽到亞朋友既故仔

話說亞朋友既同事仔唔想跟佢大佬
於是就問問 hr 可唔可以 internal transfer 啦
hr 果邊話無問題，叫亞同事仔留底，不過唔好旨意有人工加啦

咁岩有間對頭公司又比左個 offer 亞同事仔
重要比而家份糧多半成
亞同事仔重唔滾水淥腳，賠錢都要即走咩

hr 收到風，即刻打左一份新 contract
份 contract 話照舊比佢 internal transfer，另外人工加一成
要亞同事仔即刻做決定
唔簽既，一筆 out 銷，無得留底
亞同事仔諗都唔諗就劃左隻龜啦

難得佢又比較有責任心
轉頭就打返比間對頭公司，講返個 situation 比佢地聽
本來亞同事仔諗住山水有相逢，同間對頭公司 say 返個 sorry 穩陣 d
點知間對頭公司都未聽完佢個故仔
就話唔好咁煩啦，加夠你成半，拿拿聲執野過來開工
奈何亞同事仔已簽左 contract，想走都走唔郁

anyway，係亞同事仔變左暴發戶既同時，亦都好快搬去呢一個 dept 啦
咁佢既 workload 點算好呢
竟然係由亞朋友呢 d 死剩種食晒

呢 d 咁既事
真係日日都係呢個世界發生
正如匯豐 (0005)
當日比人係咁窒
又話呢樣唔得，果樣唔掂
重要黑仔到撞正美國爆左單次級按揭風波
就好似時光倒流咁，個股價去返一年前既價位
個股價由高位 152 蚊即刻插到去 133 蚊
高盛果 d 死 pk 重要繼續唱衰 5 號仔
話跌到落去 110 蚊先係正路

又如何
好股唔怕跌
正中趨壞消息入貨
愈跌就愈買
中東佬就用左 500 億港紙係呢個價位瘋狂掃貨

最後個結果係點
屌，what a question，係人都知啦
唔駛一個月，隻 5 號仔咪又返到去 144 蚊羅

所以呢
亞朋友
你都唔好唔開心啦
挨得過呢個 moment
前面就非常美好架啦