虐待

上次去 AIA 果個嘉年華
昆左 JENNY 上去玩架 G-FORCE
其實坐係佢隔離既我都一樣驚驚青青
尤其係當我地係最高點等緊開波既時候
個人半天吊，涼風陣陣
望一望坐係隔離眼濕濕既 JENNY
真係有 D 後悔，有種上左賊船既感覺
但係比架 G-FORCE 搖到一棟都無既時候
果個感覺重 HIGH 過睇中大校報

琴日同 JENNY 入左戲院
睇果套新上畫既 “28 週後”
我地之前都有睇 “28日後”
所以都知道呢套野一定好激
入到場，唔駛 5 分鐘，已經嚇到震
再睇多一陣，JENNY 已經話不如走啦唔好睇啦
果一刻我係心動架，我都想走架，真係好得人驚
不過成 50 蚊張飛，而家先走左又好鬼傷
辛辛苦苦挨完套戲，又覺得好死正
驚得來又覺得好爽
重好想快 D 睇埋第三集
果個感覺重 HIGH 過上咸網

呢種被虐待既欲望
唔知有冇得醫
醫得返，睇四仔又會唔會唔識 HIGH