得閒飲茶

呢排成日都天黑黑，琴日終於都忍唔住爆左場黃雨
話就話黃雨姐，都要食飯架，唔係邊有港男既身型
係屋企玩自閉亦都唔係我既習慣
於是拎住把 7 仔遮就跑左出街啦

上左架勁大冷氣既 88M ，先至發覺成條褲腳已經濕晒
望出窗外，好似入左洗車場咁，D 水係咁倒過來
正當我睇住出面一個無帶遮，著住套濕晒既白色護士制服既姐姐時
我架 NOKIA 6230i 一邊係度震，一邊響起 "I AM WHO I AM"
到底邊條粉腸阻住亞叔丫
一按接聽，諗住爆粗之際
係耳邊響起一把好熟識既聲音

條粉腸原來係劉小姐
果陣係 HY 做野，D 印刷 PINS 就係搵佢搞既
大佬鐘 D 單成日都急到爆
劉小姐果邊一 DELAY，大佬鐘 D 奪命追魂 CALL 又殺到
我比人屌，劉小姐都一定無走雞，所以我同劉小姐都可以話係不打不相識

最記得有一次
又係劉小姐果邊 DELAY
搞到大佬新婚後第二晚，零晨 3 點幾同我上左大陸拎貨
之後再飛撲去機場交比大佬鐘，大佬鐘就即刻坐飛機飛去日本交貨
CLAIM 我地 $8000 機票錢唔緊要
事關占哥公司咩都無，就係錢多
但係竟然兩手空空手信都唔買比我地
話晒都山長水遠零晨三點幾就同你係大陸撲 D 貨去機場
果次條氣真係就有 D 唔順架
下次我帶貨去日本，等我會整幾箱草餅比你做手信

原來劉小姐今次打來係同我 SAY GOODBYE
佢終於都 QUIT 左印刷廠份工
聽到果刻，我真係有衝動叫佢去 HY 做
果陣成日 DELAY 我 D 貨丫來，點你去 HY 受下苦都好
不過我呢 D 心地咁好既人，又點會講埋 D 害人既說話架
所以同佢傾左一陣，最後都係例牌 "之後得閒出來飲茶，有咩事就記得 CALL 我"