阿博

係度想講講阿博

阿博份人好識玩
成日都有 d 新奇，好玩同埋刺激既諗頭介紹比我地
有佢係度既日子，可以稱得上時間過得真係快，講下吹下又拜拜

我諗除左因為佢係一個小康之家長大外
慣左享受，亦都成就左佢既人生觀

阿博佢咁識玩
一日得廿四個鐘，邊夠?
除左瞓覺，返工都佔左阿博每日三分一既時間
正所謂敬業樂業
又有云不要做「天下之苦人」(粱啟超: 厭惡自己本業的人，他們既不得不做，卻不願意去做，那是替自己開玩笑。)
孔子又說「知之者不如好之者，好之者不如樂之者。」
所以，要享受人生，首先要享受工作

點樣先可以係工作中取得樂趣呢?
正所謂一日之計在於晨，唔食早餐邊有神
返到公司，第一件事就緊係歎返個靚早餐先啦
有入，當然有出，食完早餐，又係時候慢慢歎返個大
有出，當然有入，開完個大，又係時候諗諗食咩午餐
一日有 A 餐， 快餐，常餐同埋午餐，N 咁多個餐，唔知食乜好? 點算好?
阿博就會木村托鰓上身，一隻手托住個下巴，成個法國佬羅丹既『沉思者』翻生，坐係個位度出出神，沉思下食咩 Lunch
之後再來一招消失等放工，一日話咁快就過
當然啦，佢既撚手野又點少得返工四寶 - 遲到，早退，事假，病假







『沉思者』