豬你生日怏樂

豬你生日怏樂
豬你生日怏樂
豬你生日怏樂
豬你生日怏樂

感動

做了油墨佬差不多一年
同剛剛入行的時候比較
又不覺得有好大進步

配色
都重係要兩個鐘
雖然，有陣時，係有意無意之間，大半個鐘就搞掂一隻色
但係我保持不到這種有意無意的狀態
總係神來之筆，好虛無縹緲

色彩管理
都重係要比亞 Joe 屌
雖然，有陣時，係有意無意之間，又可以講到一堆好合邏輯的理論
但係我保持不到這種有意無意的狀態
總係神來之筆，好虛無縹緲

突然間乖乖不得了
係亞 Joe 同個行家吹水
吹到個行家一舊雲之際
我發覺自己聽得明三成
我一震跪低，難以置信睇著眼前美麗倍增的世界
簡直好似寇仲徐子陵上身

"只見整個天地清晰了很多，不但色彩豐富了，很多平時忽略了的細微情況，亦一一有感於心，至乎平時忽略了的風聲細微變化，均漏不過他靈敏聽覺。"

"最奇怪是無論天與地，一塊石頭、一株小草，都像跟他是相連地活著般，而自己則成了它們其中的一分子，再不是兩不相關了。"

"無論怎樣用心去打，體內的真氣和手中的招式始終不能渾融為一。"

"明明可清楚看到她每個動作，心中還知道該怎麼去擋格，偏是身體移動卻慢了少許。"

"若說動手對陣，只要來個普通的會家子,就可打得他們跪地求饒了。"

"可是由此發展下去,兩人的內功勁氣可達到甚麼境界,就誰都說不上來。"

魔戒二部曲

放左工，上左女友屋企
諗住係食飯期間，同 uncle / auntie 傾傾我同女友既事

係我食緊第一碗飯既時候
uncle 就因為趕住返工，光速咁掃左一輪就閃左出去

係我添第二碗飯既時候
現場得返我地三個人
本來諗住等齊人先再傾傾
點知女友係檯底推左我兩下
即係唔縮得啦
咁我就問 auntie: 我地兩個諗住 08 年底結婚，想知道 auntie 有咩建議比我地
auntie 既回應係 - 笑

入市前的準備

有位份量十足既好兄弟問我，而家入市好唔好

我認為你要睇睇自己可以承擔幾多風險
十八廿二同埋四十到尾既有唔同玩法
單身同埋結左婚既又有唔同玩法

首先要計一計自己份保險夠唔夠
點先叫夠呢?
自己先計一計每月必要支出
例如你唔駛供樓，除左每個月比 4000 蚊家用之外，其他都係自己洗
你每月既必要支出就係 4000 蚊
咁你需要既死亡賠償大約係 100 萬
而家 30 年美國債券息口約 4.724%
假設你有咩意外，你既家人將呢 100 萬全數買入美國債券
佢地每個月可以享有約 3940 蚊利息
咁即使你唔係度，亦都好似有 “人” 幫你搞掂你既必要支出

搞掂保險，又要預一預你既必要流動資金
資金大約係你人工既 6 倍
呢筆資金係以備不時之需使用
例如入左廠，或者比人炒左

保險同埋必要流動資金
保險就一定要買
後生既，擔子無咁重，必要流動資金可以睇情況減少

之後就要真真正正計一計你既收支
詳細列明你既收入，同埋所有支出
計好後，你會知道每個月可以撥幾多錢去投資
並且需要嚴守開支洗費，唔好連多出來既錢都花光花凸

來到呢一步
相信會有兩個數出左來
第一個係你可動用既資金 (非必要流動資金)
第二個係你每月可投資既資金
呢兩筆款項，都係你可以動用來投資既資金

之後就要諗諗自己可以承擔幾多風險
可以承擔高風險，就選擇較進取既投資方法
相反，就選擇較穩陣既投資方法

不過係呢個風高浪急既時候
可以唔入市，就不要入市
最好留返 d 彈藥，到調整出現時，才以平價買入優質股票並長期持有
或者可以試下我前日所講既月供股票
選擇一隻優質股票，長期供款長期持有
每年可以平平安安有 10-15 % 回報的

下一步......

投資，有兩種門派
一種係技術走勢分析
一種係基本因素分析

今日，港股大跌接近 400 點，成交約 760 億
下一步，幾時到?
下一步，怎樣做?

分析，還有用嗎?

copy from Superstoreman @ discuss
優質股永遠於你放後才升 (重要係大升)
耐性永遠實用過所有分析 (忌心急行事)

以上未必適用於賺大錢, 但一定不會輸錢

月供股票

近日大市喪升，不過小子真係不敢入市，擔心做了大戶點心。但個市又開著個 Tubro 引擎，日日踩油入 5 波快放，車尾燈都見不到，點搞?
本來打算等大調整出現時再出手入貨，於是係 18000 點後不入新貨，19000 點時都有抽新股，不過一抽到就放，現在 21000 點都怏到，個市都重係日日創新高，點搞?

突然係 Discuss 見到月供股票 4 個字，於是靈光一閃，再定下新計劃。
月供股票的玩法同強積金一樣，都係用平均成本法的原理，每月不理高位低位都用固定金額入貨，所以即使遇上市場波動或投資環境欠佳，只要手上的是優質股，又係長線投資，基本上只會買貴，不會買錯。

在 Discuss 中看到，原來好多銀行都有提供月供股票這種投資方式，其中又以中銀最優惠。
(1) 在中銀開普通戶口，同時登記股票戶口，就不收銀行每月手續費
(2) 每月每次供款時收 $50 手續費，如果戶口只有月供股票，不收股票存倉費
(3) 不收代收息費
(4) 碎股可用正股價格沽出
(5) 可以用信用卡供款，賺取積分

於是，小子開始係中銀收集 5 號仔啦。

參考資料 / 來源
(1) Discuss
http://www6.discuss.com.hk/viewthread.php?tid=2926592&extra=page%3D2

(2)明報
http://www.mpfinance.com

(3) 太陽報
http://the-sun.orisun.com

師父話: 等待跌市來臨

國企指數一天之內竟然急升逾6%！這個升幅實在太不合理，而我昨天已說過，股價上升的速度實在太快，而旁觀者均期待市場轉走下坡。

中國人壽(2628)昨日再升10%至27.20元，我目前正逐漸沽出中國人壽，昨天沽出一部份後我仍剩餘少許彈藥，但已不多了，其自上個月的18.90元升至27.20元，升幅44%，或以現金計2200億元，以上半年而言，已是去年總保費收入的兩倍！出現此異常變動的原因是，上海正在進行發行Ａ股活動，集資約400億元至450億元。縱使有些人認為其他中國公司被迫以過高的價錢買入此股，但此股其實必然會上升。以我個人經驗來看，沒有人會被迫以天價買入股份，一切都是他們自己的決定。

中國人壽的股價可能會繼續節節上升，但這不代表現在買入就是明智的，因這只代表你僅為滿足一己私欲，而以一個不實際的價錢買入價值較價錢低的東西。

然而，昨天的升勢不限於中國人壽，而是延伸至整個中資銀行股份。工商銀行(1398)升58仙至4.98元，市值為1萬6000億元，可媲美匯豐(5)以股價142元計為1萬6000億元的市值。而且工商銀行或許比匯豐更有機會提升溢利，但工商銀行未能完全證明其管理層具管治才能，未必有能力在高級職員之中找出任何欺詐的行為，又不能控制可能來自不良貸款的壞賬。當然，銀行的管理層較10年或20年之前有所改善，非政府組織當時可能較少挑剔，但有人會懷疑，資產負債表是否會完全經過過濾，刪掉許多不利的項目及數字，混淆視聽。但其昨天上升58仙，相等於1900億元，約為恆生銀行(11)的市值，或東亞銀行(23)市值的3倍。


驟耳聽來可能是遙不可及，但交通銀行(3328)昨日升1.06元至9.48元，升幅為10%，其市值達4350億元，而平安保險(2318)，昨日上升6.60元至44.90元，市值為2800億元，匯豐於此兩間銀行各有20%的股份，合共市值逾1400億元，接近其本身市值的20%！匯豐於中國其他公司所佔的權益亦為數不少，但現時在這一個市場，這個因素可以暫且不談，不過中國對匯豐將來盈利能力的貢獻卻不可忽視。

H股指數上升6%，但此升幅不會持續，去到某一個階段就會反彈下滑，於過往3個月所經歷的升幅將會受壓。我確信幾間龍頭銀行的股價將會下跌，但不會是災難性的跌幅，可是，我不肯定中國人壽的收益是否可以維持，因2006年溢利很大部份要待下年三月才會公佈，此溢利並非經常性，而倘股份市價未見穩定，2007或2008年的溢利是否會大受打擊，也是未知之數。

可幸的是，現時股市瘋狂過熱的情況並未遍及所有H股，有一些界別，如船務及港口收費仍未受影響，但市場調整是無可避免的，倘出現調整，不論是好是壞，股價過低或過高的股份均同樣受害。

倘任何人問我的意見，我都必定會建議他不要買入，耐心等待。此時此刻，在這個價位水平，股息回報及升幅一般而言都與風險不符。中資銀行之間普遍存在一個奇怪的現象，即使財政緊絀，股息仍會超過1.5%，又或者資本，及兩年間的資本收益往往是負數多於正數，故我很懷疑它們的股價是否可以維持。2007年3月公佈的溢利或會令人滿意，但倘它們是非經常性收益的部份將可幫助提高業績。人壽保險公司的情況尤甚，因一半以上的溢利均為資本收益，包括實際入賬和假設的，倘股市下挫，連帶溢利都會受到挑戰，因資本虧損很可能抵銷了新人壽保險計劃的溢利。

現時大家都要步步為營，小心翼翼，因沒有人知道市場何時會逆轉，到了逆轉的一天可能會傷亡慘重。現時所有焦點都集中在中國及掌權人士的一舉一動身上，但將來始終一天，中國政府會失去其光芒，熱情冷卻，經濟很可能會出現危機。

我知道，而你亦需要知道，即使前景無大改變，熱情也是轉瞬即逝的。熱情消失時，那些想推倒市場的機構將調轉槍頭，爭先沽出。市場可以輕易下跌2000至3000點，但股市倘真崩潰，也只是健康的整固，為下一次再上高峰作好準備。

from 東尼日誌 at 28/12/2006

ncream 看調整與股災

好長，好複雜，有興趣可以下載看看

http://www13.discuss.com.hk/viewthread.php?tid=3070560&extra=&highlight=%2Bncream&page=1

休息中

整個假期都在外面玩玩玩，今天要留在家中叉叉電，還有整整我那龜速電腦。

魔戒首部曲

我同女友到了迪士尼，一起走進奇妙世界。
我們跟米奇及他的好朋友一起歡度聖誕節，載歌載舞，玩得不亦樂乎。
全日最好的是煙花表演。
當聖誕音樂奏起，煙花於睡公主城堡上的夜空展開時，我把 6 張粉紅色的紙卡一張一張拿出來。

女友看完後，我再遞上紅色玫瑰花及戒指。
剛好又一個燦爛煙花爆開。

離開奇妙世界後，我同老婆一起踏上魔戒長征之旅。

自助餐的禮儀

今晚係平安夜，明天係聖誕節，後天係 Boxing Day，參加自助餐派對時請斯文一點，死性改不了的人就小心看看旁邊有沒有 DC/DV 對著你。小心不要當上 YouTube 的主角喔。

各位隨便啦，招呼唔到。

WTF @ 花墟球場

今晚 WTF (男子組英文名) 於花墟球場有場夜波，在一度比對手追平下，憑 6 號仔禁區邊一腳窩利世界波，再度領先 3:2 完場。隊長於賽後表示，球隊在一直進步，但由於隊長在球隊中暫時擔任通天佬官而未能取得正選位置，戲言要求轉會，史提芬路兒聞言後嚇到面青，於吃宵夜後情況才由危殆轉為穩定。

啦啦隊: 大嫂，b 媽，靚 b 恩恩，大家姐
出席球員: 好很多，有幾個也是第一次見，認識的包括
隊長 (C)，張良，亞良，王傑，Leon，Ronald，Jordy，史提芬路兒，2 號仔，6 號仔，Baby 個仔
主客和: 主勝
波膽: 3:2
首名入球: 唔記得

Merry X'mas

話咁快又聖誕，今年感覺真係幾特別。

話說之前係 Dammas，真係做到有破壞，無建設，日日都係聖誕節。
人地一年係呢幾日先有 d 聖誕 feel，我地幾兄弟就一年得星期日唔駛對住 d 聖誕樹聖誕花同埋聖誕波，返到屋企沖涼洗到甩皮都重係成個頭成個身金粉。
果陣真係患左聖誕恐懼証，唔係 Merry X'mas，係 Very Dammas。

今年感覺真係幾特別。

11 月尾公司已經吹雞話要搞佈置，個個 Dept 都要搵一個人出來負責呢單野。
就係咁，包括我在內，有 6 個人一齊搞呢個大 project。
收到 order，我地緊係要做野，所謂受人錢財，替人消災。
中午時段，成班人開公數飛的出去嘆個靚 Lunch，再慢慢行過去係圍左大元村間文具舖，掃左人地 300 蚊貨仔，重屈左老細打個 9 折比我地。
之後，再係吉之島買左棵聖誕樹同埋 d 聖誕波。
望一望隻錶，差唔多 3 點啦，都係時候返公司，放低 d 野同埋放工。

返到去，一定要玩下噴雪啦。
呢個係 Martin 既傑作。


呢個係 Louie 既名作。


再加埋今日係門口果個到會，差唔多廿盤美食，食飽重有大抽獎。
食完，望一望隻錶，又兩點幾啦，係 office 放低幾兩同埋放工。

今年感覺真係幾特別。

中國鋁業重組兼回歸 A 股

《經濟通記者郭瑩瑩報道》中國鋁業(新聞 - 網站 - 圖片)（２６００）日前宣佈，擬通過換股吸收合併的方式，對旗下子公司Ｓ山東鋁（滬：６００２０５）和Ｓ蘭州鋁（滬：６００２９６）實施股改，同時實現回歸Ａ股。

分析認為，該方案在完成重組股改的同時，又在不回購股份情況下實現回歸Ａ股上市，可謂「一石二鳥」，顯示管理層相當有創意。

依照方案，中鋁吸收合併兩家Ａ股的換股價均為６﹒６元（人民幣．下同）。Ｓ山東鋁的流通股換股價格為每股２０﹒８１元，換股比例為１︰３﹒１５；而Ｓ蘭鋁流通股換股價格為每股１１﹒８８元，換股比例為１︰１﹒８。股改完成後，Ｓ山東鋁和Ｓ蘭鋁將被登出法人地位，中國鋁業將為合併完成後的存續公司，並在上交所上市。

中國鋁業並作出二項承諾：第一、自中國鋁業上市之日起３個月內，如中國鋁業Ａ股股票市場價格低於換股價格６﹒６元，中鋁公司將通過上交所競價交易的方式來增持中國鋁業流通Ａ股，直至累計增持量達到中國鋁業在本次換股吸收合併方案中新發流通Ａ股股票數量的３０％為止。

其二、自中國鋁業上市後，中鋁公司將擇機注入優質鋁業資產（包括但不限於電解鋁、鋁加工等業務的資產和股權），促進中國鋁業進一步完善產業鏈。

此外，中國鋁業還向兩家Ａ股的流通股股東提供現金選擇權。

http://hk.biz.yahoo.com/061221/239/1ypmk.html?s=2600.hk

A50 中國基金 vs 恆生 H 股 ETF

主要是對國內的 A 股市場與在港的國企之分，後者較為有利，透明高些。
新華富時 A50 中國基金 (2823) 中國指數基金由巴克萊國際投資管理推出，自 04 年 11 月起在香港聯交所買賣，是第一隻可讓非國內投資者投資中國 A 股市場的交易所買賣基金（ETF）。該基金旨在追蹤新華富時中國 A50 指數，而該指數的主要成分股是在上海及深圳交易所買賣的最大 50 隻 A 股。投資者買賣該基金，手續簡易，如買賣股票般。
恆生 H 股 EFT 基金(2828)，以國企形式上市的股份，均會成為國企指數的成分股，而成分股數目並無上限。由於國企指數涵蓋所有國企股市值，所以其走勢是與國企股整體表現直接掛鉤。因此，國企指數的升跌，將直接反映整體國企股股價的變動情況。
http://hk.knowledge.yahoo.com/question/?qid=7006081600335

世界新聞

路透新加坡(新聞 - 網站 - 圖片)電---泰國股市周二重挫近15%至逾兩年來最低水準，因在泰國央行推出抑制對泰銖投機的強硬舉措後，投資人撤資外逃，這種負面情緒又蔓延至整個東南亞地區市場。

新加坡海峽時報指數跌2.2%，馬來西亞(新聞 - 網站 - 圖片)股市跌2%，印尼股市下滑近3%，菲律賓(新聞 - 網站 - 圖片)綜合股價指數收低1%。

泰國股市在大跌了逾10%後，一度暫時停止交易30分鐘。但在重新恢復交易後，股指又進一步下跌，最終收低14.8%，創下16年來最大單日跌幅。

泰國央行周一推出一項新舉措，要求非貿易相關的針對泰銖的外匯資金的30%放在央行作為準備金，不給予利息。

由海外投資者所引領的賣盤大大衝擊了泰國股市，因市場此前一直受到巨額海外投資的支撐。泰國最大的能源企業PTT暴跌17%，PTT Exploration and Production亦下滑17%，泰國電信企業Advanced Info Service 劇挫21%。

分析師稱，雖然泰國央行的初衷是要抑制針對泰銖的投機行為，壓制泰銖周一升至九年半高位的漲勢，但剛推出的30%準備金要求也將會衝擊到真正的投資活動。

他們指出，雖說新舉措不會對原有的投資者產生影響，但股市出現的賣盤反映出他們中的大多數仍決定退出泰國市場。

「我們預期泰國央行新舉措的影響能在未來數日得到淡化，但目前我們對泰國市場的看法轉空。」野村分析師Sean Darby說道。

荷蘭(新聞 - 網站 - 圖片)銀行駐新加坡分析師Irene Cheung稱，泰國市場在MSCI等股票指數中的權重亦有被下調甚至被剔除的風險。

新加坡市場方面，新加坡電信在除息後的下滑亦對大盤構成拖累。

馬來西亞市場，電力輸送企業Tenaga Nasional 和Malayan Banking 分別下跌3.6%和2.5%。

菲律賓長途電話公司(PLDT)跌1.9%，Bank of the Philippine Islands 下滑3.1%。(完)

--翻譯 高琦;審校 鄭翌/吳云凌
http://hk.biz.yahoo.com/061219/242/1yjus.html

泰國投資人12月19日在曼谷(新聞 - 網站 - 圖片)一券商看盤。泰國央行12月18日宣佈旨在抑制外匯投機活動的嚴厲新措施，此舉導致泰國市場的劇烈反應，泰股大幅收低14.84%，創1990年以來最大單日跌幅。 路透/Chaiwat Subprasom (發稿:劉瑞芬/陳宗琦) http://hk.biz.yahoo.com/061219/242/1yjtu.html

[智珠] 香港 12月13日 - I 股印度(新聞 - 網站 - 圖片) (2836)(2836.HK - 新聞 - 公司資料) 跌破52週最低價，現報13.14港元，下跌0.22港元或1.65%，今日最高價 13.26 港元，最低價 13.14 港元，宜留意其股價之異常波動，52週最高 14.28港元，52週最低 13.16 港元。
http://hk.biz.yahoo.com/061213/317/1y69i.html?s=2836.hk
http://in.finance.yahoo.com/q/bc?s=%5EBSESN&t=5y
http://hk.finance.yahoo.com/q?s=%5EBSESN

計數

多謝昨晚 5 位的幫助，我會學識怎計微積分的
thank you so much

同一屋簷下

昨晚係 Jordy 牛一，我們成班痴痴呆呆係大尾督燒烤王 BBQ 慶祝。當其他人大戰四方城的時候，我就同張良吹下結婚經。
原來張良都有打算這兩年結婚，如果我又計得掂條數，再加上大家姐，08 年大佬肯定比我們三組人炸到負資產，我係大佬就由現在開始每個月儲張金牛做人情，免得到時要入報紙。
講真，結婚大有大搞，細有細搞，搞到好似徐子琪上頭版又有，旅行結婚又有。不過，結了婚，住要怎安排呢?
供樓? 租樓? 真係幾頭痕。
供樓，供一層一百萬又有九成按揭的樓，首期都要十萬，再加上雜費及裝修，隨時十五萬埋單，之後每個月供五、六千蚊，供足十五至二十年。
租樓，一年生約一年死約，分分鐘兩年要搬一次，每個月又要五、六千蚊租金，又好似同人供樓。
供樓，頭一炮痛苦，搞得掂，就算之後同價賣出，都賺了租金。
租樓，有十五萬現金渣手，全數投資，每年 10 % 回報，廿年後都有一百萬。
供樓? 租樓? 條數真係未計好，真係想到一夜白髮，白得來似占哥的有形有款又無所謂，似吳萬達就...

唉，重有擺酒條數都未計，有無多幾個腦幫手一齊諗諗，薄酬。

投資的我與投機的我

以下係我睇完轉載自頭條日報的中環 High Tea的感受。
在這個喪升的日子，新股熱升溫，大家都想炒桶金返屋企過一個開心的聖誕，但風險一定要衡量，贏了故然開心，也要有輸的心理準備。
在全民皆股的情況下，不入市，又好似白白睇著機會流走，入市，又有一定風險，所以一定要避重就輕。抽新股，我也不會盲目地入紙，我也會看看該股是做什麼生意，有沒有什麼往積可作參考。例如中人壽及平安保險往積好，我抽了民安 (22號上市)。又例如和黃做 3G 都蝕到仆街，所以我沒有抽中通 (升了差不多 100%)，又例如胡應湘做內地基建做到損手爛腳，所以我沒有抽中交建 (升了差不多40 %)。
又正如陸生所講，賺不了，也不要蝕，炒要炒得有技巧，不要做了大戶點心。師父東尼都有教，買股，一定要嚴守長中短線目標，不要隨便改目標，由短炒變長渣，大忌也。短炒有賺，有信心，可以推高止賺位，睇不通，也可以沽，但沽了，睇見隻股再升，又不要覺得不值，又不要心思思想入返。
其實現在最好的做法，就是一邊儲彈藥，一邊找尋優質股，到大市下滑，再長渣優質股，那就戰無不勝。

原文如下:
中環High Tea——投資的我與投機的我
2006年12月11日

　　 股市進入喪炒之時代，從新股股價亦知一二。上周五，三隻新股一齊上市，招金（1818）升26%，奧普（477）升32.4%，最誇張是隻中通服（522）狂升85.5%，散戶闔埋眼買新股都贏錢，簡直好似有跌錢黨到處派錢一樣，唔執就笨。
　　 千萬不要以為我叫你唔好去執，上面提到「跌錢黨」三個字，好似講執錢就會受騙那樣﹔我的意見剛好相反，只要心態正確，這些錢絕對可執。

　　投機咪扮投資

　　 網友小潘最近逢新股都抽幾手，隻隻抽中一點，帳面獲利不少，又有點怕，問「係咪話我咁抽新股法有問題呢?我係咪應該停一停呢﹖如果是，我會聽你說，即使賺少也不會怨，最緊要唔好蝕。」

　　 陸羽仁的簡單答案是﹕如果你知道自己在投機炒股，毋須要停，新股可照抽。

　　 我的理論是人有「兩個我」，一個是投資的我，一個是投機的我。常人最易犯的毛病，是把投機當投資，甚至明知是自己在投機炒股，但怕醜唔想認，打電話到電台或寫電郵到報紙問功課，開場白一定係﹕「我抽這隻新股想長線投資，唔知抽唔抽得過……」遇到一個好老實的主持人或講股佬，就會話「上市價好貴，認唔過」。咁就弊傢伙，隻一上市升85%，問功課的散戶心諗，你呢個主持又話貴，正衰人，累我輸錢（其實是賺少）。

　　 我的建議是散戶想炒要認，認清楚是「投機的我」在入市，既可尋求合理指引，亦可理順自己出入市的目標及手法。

　　新股狂升只因喪炒

　　 陸羽仁都識唔少投資銀行家，有時傾起上市公司上市時的定價，投資賓卡普遍意見是上市價是照顧了市場當時情況的合理價﹔因為公司上市，公司老闆當然希望定價愈貴愈好，但投資銀行要包銷股票，若去唔到貨要自己啃，所以要壓價，雙方爭持之後，才定出上市價。所以上市價本應是照顧了市場熱度的合理價格，特別是體積超大的公司要上市，出貨量大，再賣平少少更合理。

　　 如果上市價合理，如何解釋一隻新股上市第一天可以升85%﹖當然你可以提好多內地發展3G無線電話等理由，但我認為理由只有一個﹕喪炒。

　　 另外也可以從投資數字來講講升85%的「喪」度。彼得林治講過，有散戶期望投資的股票一年升30%，林治覺得對方傻傻地，話以咁速度，幾十年可以把成個美國買下來。我們好景仰的股神巴菲特，他的投資組合多數有近30%年回報，已經令他成為全球第二富有的人（第一是微軟的蓋茲）。

　　 我以前用「七十二律」計過投資組合的複式增長數字，可以抄出來再看看﹕「如果年增長30%，即是2.4年可以翻一番，用22總投資年期來計，1可以變成512，即係話你今天有10萬，22年後有5120萬﹗5000萬富翁，Bingo﹗

　　 咁都唔夠開心，再講開心的，如果有年增長50%，1.44年翻一倍，22年後，1會變成32768，即係你今天投資10萬，22年後就有32億﹗﹖嘩，有無計錯數﹖不過就算計錯都無所謂啦，即使計少個零，都有3.2億，都係天文數字。」

　　 好多人有10萬、20萬在炒新股，呢隻升85%，那隻升30%，不用一年，只等兩三個星期回報都有50%（理論上，如果一直唔輸，做22次賺50%的動作，複式計算就有1變3萬的效果），咁咪好易有幾十億身家﹖

　　熱番薯　要拋之

　　 計完數大家應該明白，這種新股回報，只屬超乎尋常的喪升，當然不能保持22年，甚至講衰的，而家喪升完，就有喪跌的一天。不過話得說回來，用「投機的我」心態來買新股，食這個喪升之浪，進退有度，亦都無壞。

　　 「投資的我」買股票是長，如果清楚知道自己買了好股，入貨價又夠平，可以長不放，一二、三十年不理它，甚至逢低增持，絕對是好事，這樣可以避免在貴時買，在平時沽。當然如果買入的只是雞雞地的股票，入市價又是在中高位，就不要輕言長了。

　　 「投機的我」就完全相反，入市心態只是短炒，將隻股票當作一舊熱番薯，經常想將隻股拋走就差不多，因為明知買得貴，貴買只為貴賣，才是短炒賺錢之道。最好方法是定止賺位，比現價低10%就沽之，股價一路升，就一路將止賺位上移，希望可以賺盡一個直線向上升浪的波幅。

　　只怕無錢　唔怕無股

　　 唔識止賺，甚至唔同意止賺的朋友也要注意，不止賺唔緊要，一定要止蝕，買新股以入市價為止蝕，最好事先講定畀經紀聽，一跌到入市價就幫你沽，不要輸畀佢，才是保命之道。

　　 散戶一般不喜止賺止蝕，是因為止賺止蝕完股份可能立即升，結果十分心。當然，懂得止賺是要承受止賺完再升之痛，不懂止賺就要蒙受最後一跌之險，上天十分公平。而且旺市買新股止了賺，沽了再升也無所謂，只要大市繼續旺，大把新股排隊上場，只怕無錢買，唔怕無股買。

　　 做「投資的我」容易，做「投機的我」想成功其實有難度，因為入市買股雖然大部份會升，但你一日不賣，只是紙上富貴。到股市喪升後回落時，通常都會回得幾急，一般人就算明知有止賺止蝕的方法，但大多數執行時走晒樣，跌來想睇，睇睇就變長，將「投機的我」，當作「投資的我」，最後一倉都是蟹貨。

　　 有個股壇老雀講過一番話，我認為好有警世作用。他認為在熾熱的市道炒股，大家都在鬥最後一刻離場，正如占士甸和人鬥跑車衝向崖邊，太早停就輸了，太遲停仲慘，會跌落崖粉身碎骨﹔大家明知有危險，但想賺盡最後一蚊，最好一沽清就大跌市仲好﹔老雀話這種心態要戒，投機者離場才是勝利，唔好賺盡，諗得毒一點，留番點水位俾後來那個傻仔接貨吧﹗聽落有點心寒，但在這個市道炒新股，若不心狠手辣，傻傻地去「投資」死，我就勸你唔好落場玩了﹗

　　陸羽仁

參考資料 / 來源
(1) 頭條日報
http://www.hkheadline.com/news/headline_news_detail_columnist.asp?id=16433§ion_name=wtt&kw

DIC 做冬

飲醉了...

其他
中行 (3988，收市報 3.77，成交量 2.08 億)
中鋁 (2600，收市報 6.47，成交量 5.43 千萬)
中石油 (857，收市報 10.36，成交量 9.95 千萬)
招行 (3968，收市報 14.98，成交量 1.75 千萬)
順龍控股 (361，收市報 1.07，成交量 68 萬)